आदरणीय आम नागरिकज्यूहरू, यहाँहरूप्रति हार्दिक अभिवादन तथा सम्मान व्यक्त गर्दछु। आम जनता पार्टी नेपाली जनताको सपना, पीडा र आवाजबाट जन्मिएको एक वैकल्पिक राजनीतिक शक्ति हो। यो पार्टी सत्ताको लोभ होइन, सेवाको संकल्प हो। यो पार्टी कुनै वर्ग, जात, वा समुदायको लागि मात्र होइन, सबै नेपालीका लागि समान अवसर र सम्मान सुनिश्चित गर्ने उद्देश्यले स्थापना गरिएको हो। हाम्रो मूल विश्वास छ — “सत्ताको स्रोत जनता हुन्, र सशक्त जनता नै समृद्ध राष्ट्र निर्माणको आधार हुन्।” हाम्रो संकल्प छ: ✔ भ्रष्टाचारमुक्त शासन व्यवस्था ✔ शिक्षित, स्वस्थ र आत्मनिर्भर युवा ✔ सर्वसुलभ स्वास्थ्य सेवा र गुणस्तरीय शिक्षा ✔ रोजगारी सिर्जना तथा कृषिमा आत्मनिर्भरता ✔ स्थानीय तहको सशक्तीकरण र ग्रामीण विकास ✔ राष्ट्रिय एकता, सार्वभौमिकता र स्वतन्त्रताको रक्षा मैले यो पार्टीको अध्यक्षको रूपमा पदभार लिँदा जनताको प्रतिनिधि होइन, जनताको सेवक बन्ने प्रण गरेको छु। म तपाईंहरूका साथ छु, तपाईंहरूका बीचमा छु, र तपाईंहरूकै नेतृत्वमा समृद्ध नेपालको मार्ग तय गर्न कटिबद्ध छु। प्रभु साह अध्यक्ष, आम जनता पार्टी